মূল মেনু খোলক

ৱিকিউৎস β

বগা ডাৱৰৰে নাও

বগা ডাৱৰৰে নাও
লেখক জ্যোতিপ্ৰসাদ আগৰৱালা
Wikimedia-logo.svg আৰু চাওক প্ৰবন্ধ.
জ্যোতি সংগীত


বগা ডাৱৰৰে নাও
তাতে উঠি মই জোনবাইৰ
          সোণদেশলৈ যাওঁ৷

জোনবাই দেশতে
          বগা হৰিণায়ে
                   ৰঙাকৈ দুবৰি খায়
জিলমিল চৰায়ে
          তুলসী বনতে
                   শুঁইত্‌কৈ সুহুৰিয়ায়
জহৰে জোনাকত
          আইতাই কোৱা মোক
                   সাধুবোৰ জোনাবাইত থাকে
আইতাই মনতে
          তুতিকৈ মাতিলে
                   মোক নিচুকাবলৈ আহে৷

বগা ডাৱৰৰে নাও
                   জোনবাইৰ দেশলৈ যাওঁ
          পোহৰী লুইতৰ
                   ৰূপৰ বালিচ’ৰাত
                             নাও বান্ধি ভাতে খাওঁ৷৷