মূল মেনু খোলক

ৱিকিউৎস β

ফুলৰ লগত কথা পতা

ফুলৰ লগত কথা পতা
লেখক জ্যোতিপ্ৰসাদ আগৰৱালা
Wikimedia-logo.svg আৰু চাওক প্ৰবন্ধ.
জ্যোতি সংগীত


ফুলৰ লগত কথা পতা
          অকণি ছোৱালীজনী
তোৰ হাঁহিত সৰে
          মুকুতা মাণিক
                   চকুত জ্বলে মণি৷

ৰাতিপুৱাৰ সোণপোহৰে
          ফুলৰ পাহিৰ ৰঙা চোতালত বহি
তোক কি ক’লে নতুন কথা
          আহ অ’ মোক ক’হি

সুন্দৰ অহাৰ আগজাননী
          কিবা দিলেনে তোক
পোহৰৰ যুগ আহিব কেতিয়া
                   কিবা ক’লেনে
                   কৈ যা, কৈ যা মোক৷৷