বাস্তৱৰ কেন্দ্ৰত শিল্পী (ছবি অঁকা শিল্পী নহওঁ মই)
(ছবি অঁকা শিল্পী নহওঁ মইৰ পৰা পুনঃনিৰ্দেশিত)
ছবি অঁকা শিল্পী নহওঁ মই
যদিও আকোঁ ছবি
গান-কবিতাৰ শিল্পী নহওঁ
যদিও ময়েই কবি ৷
কলাৰ মাজত যদিও প্ৰকাশ মোৰ
জীৱন-কলাক ধুনীয়া কৰি
মানুহকেই মানুহ কৰি
থৈ যাবলৈ
বাস্তৱৰেই কেন্দ্ৰস্থলীত
লৈছোঁ স্থিতি
যুঁজিবলৈ দুষ্কৃতিক দুৰ্ঘোৰ ।
শিল্পীৰ মই পালো যে নতুন অৰ্থ,
মানুহৰ মহাসত্য
মানুহ শিল্প, মানুহ কেন্দ্ৰী
মানুহেই নিত্যাতীত,
মানুহৰ মই ন-ৰূপ দিম,
পৃথিৱীখনকো পুনৰ গঢ়িম
মোৰ ই দৃষ্টিৰ, নতুন সৃষ্টি
অৱশ্যে অব্যৰ্থ,
আজি জীৱনৰ অগ্নিক্ষণত
স্বাগত সতী্থ ৷