ওৰে সখি পেখোৰে কঞ্জলোচন

বৰগীত
লেখক: শ্ৰীশ্ৰী শঙ্কৰদেৱ

<poem>

     ।।ৰাগঃ গৌৰী।। তালঃ বিষম।।

      ধ্ৰুং।। ওৰে সখি পেখোৰে কঞ্জলোচন।
              চললি নন্দকুমাৰা।।
              ইন্দুবদন, কৌটি মদন।
              ৰূপে তুল নুহি যাৰা।।

     পদ।। মকৰ কুণ্ডল মণ্ডিত গণ্ড
            গলে গজমতি লোলে।
            তড়িতাম্বৰ শ্যামসুন্দৰ
            শিৰে শিখণ্ডক দোলে।
            কৰ কঙ্কণ কাঙ্কিনী কনক
            ঝণকে চলে গোপালা।
            পঞ্চম পুৰে, লম্বিত উৰে
            কেলিকদম্বক মালা।।
            পদ পঙ্কজে মঞ্জীৰ ঝুৰে
            হৰয় চিত্ত হামাৰু।
            শঙ্কৰ কহ, ছাড় বিৰহ
            ওহি জগ আধাৰু।।