মূল মেনু খোলক

ৱিকিউৎস β

প্ৰিয়তমাৰ চিঠি

প্ৰিয়তমাৰ চিঠি
লেখক হেমচন্দ্ৰ গোস্বামী


সৌন্দৰ্য্যৰ বুকুত কাঁচলি উদঙ্গাই

প্ৰকৃতিৰ চোঁ-ঘৰ চালোঁ পিত্ পিত্;

কুকুৰঠেঙ্গীয়া এই আখৰকিটিত

যি অমিয়া ঘহাঁ আছে, ক'তো আৰু নাই ।

কবি-নিকুঞ্জত ফুলি কত কবিতাই

মলয়াত উটি উটি ফুৰে পৃথিৱীত,

তোমাৰ চিঠিয়ে কিন্তু জানে যিটি গীত,

কবিতাৰ কাব্যে তাৰ গোন্ধকে নাপায় ।

ফুল ফুলে, সৰি যায়, শুকান বননি,

বসন্তৰ কুঁহিপাত ৰ'দত লেৰেলে;

তোমাৰ চিঠিয়ে প্ৰিয়ে জানে কি মোহিনী,

নিতৌ নোহোৱা বাহী, ন ন ফুল মেলে ।

যত শুঙো, চুমা খাওঁ, নালাগে আমনি,

হৃদয়ত হেপাহৰ ভোটাতৰা জ্বলে ।