এই পৃষ্ঠাটোৰ বৈধকৰণ হৈছে
গৰু মেলি গৰখীয়া...
চকুৰ পচাৰতে ছিগি থাকিল
নিৰ্ভেজাল শৈশৱৰ সোণালী সূতাডাল
য’ত গাঁথি থোৱা প্ৰতিটো পল-অনুপল
ফুল হৈ ফুলিছিল গধূলি গোপাল
উস্ মোৰ কি পোৰা কপাল
ক’ত যে হেৰাল হিয়াৰ এফাল
গৰু মেলি গৰখীয়া পালে বহুদূৰ
ৰিণি ৰিণি শুনিছোঁ বাঁহী পেঁপাৰ সুৰ
মই এতিয়া খাঁটি চহৰীয়া
কংক্ৰিটৰ অৰণ্যৰ বিশ্বস্ত ৰখীয়া |
(পূৰ্বপ্ৰকাশঃ দৈনিক জনমভুমি, ২০/০৮/২০১৬)
২২।এমুঠি বনকৰা কিংখাপ কবিতা
