এই পৃষ্ঠাটোৰ বৈধকৰণ হৈছে
কীৰ্ত্তন ৮]
৩৭৩
মুচুকুন্দ-স্তুতি
তুমি অপ্ৰমত্ত হেলে মাৰা তাক
এন্দুৰক যেন সৰ্পে॥ ৯৯
সুবৰ্ণৰ ৰথে যিটো হস্তী-কন্ধে
ফুৰয় ৰাজা বোলাই।
কালে প্ৰাণ গৈলে সেহিতো শৰীৰ
হোৱে বিষ্ঠা-পলু ছাই॥
যিটো সাৰ্ব্বভৌম- সিংহাসনে থাকে
সামৰাজে সেৱা কৰে।
স্ত্ৰীৰ অধীন হুয়া সিটো প্ৰভু
গৃহতে থাকিয়া মৰে॥ ১০০
দুনাই ইন্দ্ৰ হৈবো বুলিয়া অনেক
কৰি কায়-ক্লেশ দুঃখ।
সিটো অভিলাষ ব্যৰ্থ হোৱে তাৰ
কহিতো নাহিকে সুখ॥
যাহাৰ সংসাৰ গুচিবেক তাৰ
মিলয় সাধু-সঙ্গতি।
যেৱে সাধু-সঙ্গ ভৈল তেৱে প্ৰভু
তোমাত উপজে মতি॥ ১০১