এই পৃষ্ঠাটোৰ বৈধকৰণ হৈছে
কীৰ্ত্তন ৮]
২৪৭
ৰাস-ক্ৰীড়া
বিনাশে সংসাৰ- ভয় ভকতৰ
পূবে মনোৰথ যত।
হেন হস্ত-পদ্ম আনি প্ৰাণনাথ
দিয়োক আসি শিৰত॥ ৮৮
হে ব্ৰজ-জন- দুঃখ-হাৰী হৰি
আমি কিঙ্কৰীক ভজ।
মোহন-হসিত কটাক্ষে-সহিত
দেখায়ো মুখ-পঙ্কজ॥
সমস্তে প্ৰাণীৰ পাপ হৰে যিটো
আছিলা কালিৰ ফণে।
কামক মৰ্দ্দিয়া হেন পাদপদ্ম
অৰ্পিয়ো আমাৰ তনে॥ ৮৯
পঙ্কজ-লোচন নেদেখি তোমাৰ
মৰৰ হেৰা সৱে দাসী।
মধুৰ বচনে অধৰ-অমৃতে
আমাক জীয়ায়ো আসি।