চকুৰে নেদেখা আৰু কাণেৰে নুশুনা দেশ—বিং, যি দেশৰ চিত্ৰ জীৱন্ত মানুহে নেদেখে আৰু যি দেশৰ বাক্য জীৱন্ত মানুহে নুশুনে তেনেকুৱা দেশ, অৰ্থাৎ পৰলোক, the next world.
চকুৱে জুই-আঙ্গনি দেখা—ক্ৰি, [ ‘চকুৰে সৰিয়হ ফুল দেখ’ চোৱাঁ। এই স্থলত, আঁক-বাঁক চিত্ৰবিলাকক ‘সৰিয়হ-ফুল’ নুবুলি ‘জুই-আঙ্গনি’ বোলা গৈছে। ]
চকুৱে সৰিয়হ ফুল দেখা—ক্ৰি, দুৰ্ব্বলতা অধিক হলে মূৰ ঘূৰায় আৰু চকুৱে সন্মুখত আঁক বাঁক চিত্ৰ উড়ি ফুৰা যেন দেখে। সেইবিলাক চিত্ৰ হালধীয়া সৰিয়হ-ফুলৰ সদৃশ। মূৰত বৰকৈ আঘাত পালেও সেইৰূপে- মূৰ ঘূৰাই তেনেকুৱা চিত্ৰ দেখা পোৱা যায়। এতেকে,—বিষম প্ৰহাৰ পোৱা, বৰকৈ মাৰ খোৱা, to receive a severe beating.
চকু মুদা—ক্ৰি, মানুহ মৰিলে চকু মুদ যায়। এতেকে,—মৰা, to die.
চকু-মুদা কুলি—বিং, কুলিয়ে কাউৰীৰ বাহত কণী পাৰে। কুলিৰ চকু আৰু কাউৰীৰ চকু বেলেগ। কিন্তু কুলি-পোৱালিয়ে চকু মুদি থাকে। কাউৰী-মাকে নিজৰ পোৱালি বুলি তাক টোপ খুৱাই পুহি থাকে। যেতিয়া উড়ণীয়া হয় কুলি-পোৱালিয়ে উডাও মাৰে। কাউৰী-মাকে ফাঁকি বুজিব পাৰি তাৰ পাচে পাচে খেদি যায়। এতেকে,—টনকিয়াল নোহোৱা পৰ্য্যন্ত অঁকৰাৰ ভাও ধৰি পৰৰ ঘটন খোৱা টেঙ্গৰ মানুহ, a clever person living at the expense of another till he is in a position to earn an independent income.
চকু-লগা মানুহ—বিং, তীক্ষ্ণ চকু থকা মানুহ অৰ্থাৎ ভাল বেয়া তৎক্ষণাৎ বাছিব পৰা মানুহ, a sharp sighted, acute or discerning person.
চকু-লোৱে বাট নেদেখ—ক্ৰি, [ চকু-লোৱেৰে বাট নেদেখা ] চ-কুলো অধিককৈ ওলালে বাট-পথ নেদেখা হয়। এতেকে,—বৰকৈ কন্দা, to shed profuse tears.
চটাই পাখৰী—বিং [ চট্চটাই ফুৰা পাখৰী] পাখৰী=পখৰা অৰ্থাৎ কেইবাটাও মিহলি ৰঙ্গৰ কাপোৰ পিন্ধা তিৰোতা। এতেকে,—চট্চটাই ফুৰা বিলাসিনী তিৰোতা, a coquette, a flirt.
চ’ত ফুৰা—ক্ৰি, চ’তৰ মাহত টোলৰ ছাত্ৰবিলাকে বৰলোকৰ ঘৰে ঘৰে ফুৰি
আশীৰ্ব্বাদ দি ধন তোলা, the soliciting of alms from well,-
