জন্মত তাৰ সুখ আৰু পূৰ্ব্ব জন্মত বেয়া ঠাইত থাকিলে এই জন্মত
তাৰ দুখ হয়। এই স্থলত কোৱা হৈছে, যে পূৰ্ব্বজন্মত সি বকৰাণীত
আছিল। এতেকে,—স্বভাৱতে লেতেৰা মানুহ, a dirty fellow
by nature.
বকলা মেলা-ক্ৰি, [বাকল মেলা] পুথি সাঁচি কাঠৰ বাকলত লিখা হয়। পুথি পঢ়িবলৈ ধৰোঁতে বাকল মেলা হয়, অৰ্থাৎ মুকলি কৰি দিয়া হয়। পুথি পঢ়িবলৈ ধৰিলে আধ্যা নপৰাকৈ তাক সামৰিব নাপায়। এতেকে,—অতিৰিক্ত কথা কোৱা, to talks too much.
বগলি ভকত—বিণ, বগলিয়ে মনতে মাছ ধৰিবলৈ ফিকিৰ পতি শান্তি মূৰ্ত্তি ধৰি থাকে। এতেকে— ভিতৰ দুষ্ট বাহিৰে শান্ত মানুহ, a wicked person in the garb of a saint.
বগা কাউৰী ওলোৱা—ক্ৰি, কেতিয়াবা কৰবাৰ পৰা বগা কাউৰী আহি ওলায়। কলা কাউৰীবিলাকে বগা কাউৰীক দেখিলেই থপিয়াবলৈ ধৰে। এতেকে— সাধাৰণ মানুহৰ বউতিক্ৰম স্বৰূপে ওলোৱা; সাজ-পাৰ, কথাৰ ভঙ্গি বা গঢ় গতি ইত্যাদিৰ দ্বাৰা বিশেষত্ব বুজোৱা, to be looked on as a strange visitor.
বগা দমৰা—বিং, বগা মতা মানুহ, a male person of fair complexion.
বগা ভাত দেখিলে কাউৰীৰ আকাল নোহোৱা— ক্ৰি, ৰূপ বগা, সেই দেখি ‘বগা ভাত’ বুলিলে ধন-সম্পত্তি বুজায়। কাউৰীয়ে চুৱনি-পাতৰ ভাত বিচাৰি ফুৰে। এতেকে,— ধন-সম্পত্তি দেখিলে পৰ-প্ৰত্যাশী নীচ প্ৰবৃত্তিৰ মানুহৰ অভাৱ নোহোৱা, the flocking of mean obsequious followers with a person who can afford to give them money lavishly.
বগে নিৰামহি খোৱা—ক্ৰি, ( উপকথা) বগলিয়ে পানীৰ জুঁৱলিত টলকা মাৰি থাকে, আৰু সি মাছক কয় যে সি নিৰামহি খাই তপস্যা সাধন কৰিছে৷ মাছে বগলিৰ কথাত সঞ্জাত গৈ ওচৰ চাপিলে বগলিয়ে ঠোঁটেৰে সাউত্-কৰে ধৰি আনি গিলি পেলায়৷ এতেকে,— দুষ্ট মানুহে স্বাৰ্থসিদ্ধিৰ নিমিত্তে সাধুৰ দৰে আচৰণ কৰা, the playing of the part of saint a wicked person to serve his selfish ends.
