এই পৃষ্ঠাটোৰ বৈধকৰণ হৈছে
ৰেণু
মেঘৰ প্ৰতি বিৰহী যক্ষ৷
শুভ সম্ভাষণ মোৰ নৱ জলধৰ।
প্ৰিয়া-বিৰহ কাতৰ কুবেৰানুচৰ
যক্ষ মই। হায় কিনো দুঃসহ বেদনা।
বন্ধু তুমি, সাধু তুমি, তোমাৰ কৰুণা
মাগিছোঁহো সকাতৰে। বিৰহিণী প্ৰিয়া
মোৰ আছে অলকাত; যদি আনি দিয়া
কুশল বাৰতা? হায়! প্ৰিয়া অশ্ৰুজল—
পূৰ্ণ কিবা অলকাৰ মণি হৰ্ম্ম্যতল।
কৃষ্ণপক্ষ জোন দৰে প্ৰিয়া কিবা মোৰ
জহিব লাগিছে ক্ৰমে! ই বিৰহ ঘোৰ
কিৰূপে সহিব হায়! খন্তেক আঁতৰে
ভূলুষ্ঠিতা প্ৰিয়া মোৰ বিৰহ কাতৰে;
২৭
