এই পৃষ্ঠাটোৰ বৈধকৰণ হৈছে
ৰাম-মালিকা।
শ্ৰীশ্ৰী কৃষ্ণায় নমঃ।
⸺⸺⸺
পদ।
জয় নমো যাদৱ মাধৱ জনাৰ্দ্দন।
জয় ঋষিকেশ সদাশিৱ সনাতন॥
যিটো পূৰ্ণ সনাতন দৈৱকী নন্দন।
তাহান চৰিত্ৰ কথা শুনা দিয়া মন॥
পৰম অমূল্য ইটো কথা মনোৰম।
প্ৰসিদ্ধ অমৃত ইটো নুহি কয় সম॥
মহামুখ্যত্তম ইটো কৃষ্ণৰ চৰিত্ৰ।
কৰ্ণ ভৰি আক পান কৰা প্ৰতিনিত॥
বেদ বেদান্তয়ো আক নুহি সমসৰ।
অমৃত সাগৰ মহা কথা মনোহৰ॥
ভকত জনৰ কৃষ্ণ কথা সে জীৱন।
হৃদি ভণ্ডাৰত চিত্তে কৃষ্ণৰ চৰণ॥
