এই পৃষ্ঠাটোৰ বৈধকৰণ হৈছে
৪৯
ৰাম-মালিকা।
শ্ৰবণ কীৰ্ত্তন আক এক কৰা অনুক্ষণ৷
পৰম অমৃত ইটো কথা বিতোপন॥
ইটো সৰ্ব্বশাস্ত্ৰ সাৰ ভক্তৰ সৰ্ব্বস্ব।
অমৃততো ধীক ইটো কৃষ্ণ কথা ৰস॥
দ্বিতীয় কন্ধৰ শঙ্কা এহি মানে থওঁ৷
ষষ্ঠ কন্ধ শঙ্কা কিছু আতপৰে কওঁ॥
অজামিল ব্ৰাহ্মণৰ শুনা কওঁ কথা।
পূৰ্ব্বজন্মে তেহো যিবা আছিলেক তথা॥
সুধামতি নামে জানা ভক্ত মহা দ্বিজ।
মহাশান্তি সুচ্চৰিত্ৰ আছে ভাৰ্য্যা নিজ॥
চতুৰ্থ হাজাৰ যুগ আৰাধিলা হৰি।
ভাৰ্য্যা সমে দুয়ো মহা কষ্ট ব্ৰত কৰি॥
তাৰ পাছে প্ৰভো পাছে দেখাদিলা আসি।
বিপ্ৰক বুলিবে লৈল বাক্য হাসি হাসি॥
কিবা কাৰ্য্যে আমাকে আরাধ্য দ্বিজবৰ।
হেন শুনি বিপ্ৰে পাছে দিলন্ত উত্তৰ॥
অপুত্ৰক পুত্ৰ দান দিয়ো নাৰায়ণ।
পুত্ৰ দান দিয়া মন কৰিয়ো পুৰণ॥
তোমাৰ সদৃশ এক গুটি পুত্ৰ হোক৷
কৃপা কৰি হৰি দিয়া এহি দান মোক॥
হৰি বোলে ব্ৰাহ্মণ পুৰিবো তোৰ কাম৷
মৎস্য কুৰ্ম্ম নৰসিংহ আদি দশ নাম॥
