এই পৃষ্ঠাটোৰ বৈধকৰণ হৈছে
৫১
বিহুৰ সম্ভাষণ।
প্ৰাচীন জাতিৰ ভাটী দিব বেলি
গৰ্ব্ব হব খৰ্ব্ব।
ভোটা তৰা দৰে জিলিকি পৰিম,
ৰাজতে আমি হিন্দুস্থানৰ প্ৰথম শ্ৰেণীৰ সভ্য।
⸻
বিহুৰ সম্ভাষণ।
চ'তৰ শেহত ৰঙালি বিহু
চাপিল হাঁহি নাচি;
লৰা-বুঢ়া ডেকা চাপিল
কাহি হাঁহি-হাচি।
নতুন সাজৰ ‘বাহাৰত’ হ'ল
জলক-তবক চকু;
বিহুৰ ৰসত ওফন্দি উঠিল
আবেগ ভৰোৱা বুকু।
মাকৰ ঘৰলৈ জিয়াৰী আহিল
শহুৰৰ ঘৰলৈ জোঁৱাই।
ওলগ ললে, পেট ভৰালে,
সান্দহ-পিঠা চোবাই।
কোনোৱে কাকো ললে কোলাত,
কোনোৱে খালে চুমা;