এই পৃষ্ঠাটোৰ বৈধকৰণ হৈছে
সূৰ্য্যোদয়
ভুলৰ কাৰাগাৰত বন্দী জীৱন
সময়ৰ শিকলিৰে হাত ভৰি বন্ধা
চৌপাশে সমস্যা দুৰ্লঙ্ঘ্য দেৱাল
দানৱৰ দয়ামায়াহীন আঘাতত
ভূলুষ্ঠিত কিমান কোমল দেহ!
তথাপিতো
যি সংকল্পৰ বীজ চেতনাত থিত ললে
সুদীৰ্ঘ কৃচ্ছসাধনৰ অন্তত
এক ৰক্তাক্ত যন্ত্ৰনাৰ কোলাহলময়তাৰে
নিশাৰ নিস্তব্ধতা থান্বান্ কৰি
সিয়েই এদিন জন্ম দিব
ন্যায় সত্য সুদৰ্শনধাৰী
দৈৱকীৰ দৰ্পহাৰী অষ্টম সন্তান।
১৯৮২ চন