এই পৃষ্ঠাটোৰ বৈধকৰণ হৈছে
৩৯
নাৰী পৰ্ব্ব।
যিজন ক্ষত্ৰিয় কৰে প্ৰতিজ্ঞা লঙ্ঘণ।
চিৰকাল নৰকত ভুঞ্জয় সিজন॥
তেবে তুমি কি কাৰণে কৰিছা আক্ৰোশ।
গুণি ছোৱা পাণ্ডৱত কিছু নাই দোষা
পুত্ৰৰ নিদানে যদি কৰিবা অকৰ্ম্ম।
কুযশ ঘোষিবে লোকে হৈবেক অধৰ্ম্ম॥
সমস্ত শাস্ত্ৰৰ তত্ব জানিছা নৃপতি।
জানি শুনি কি কাৰণে কৰা ক্ৰোধ মতি॥
যদিবা দিবাহা তুমি পাণ্ডৱক শাপ।
তেবে জানো তোমাৰ পুত্ৰক পাইবা লাগ॥
নিন্দিবেক লোকে তযু কথাক আকলি।
হেন জানি এড়া ৰোষ মোৰ বাক্য পালি॥
অনিয়মে মহাৰাজ অধৰ্ম্ম নকৰা।
পাণ্ডৱৰ প্ৰতি তুমি চিত্ত শুদ্ধ কৰা॥
ভাতৃৰ তনয় বুলি নানিবা মনত।
আপোন পুত্ৰতোষিক জানিবা সতত॥
এইমতে ৰাজাক বুজায়া যদুপতি।
পাছে আৰু বুলিলন্ত গান্ধাৰীক মাতি॥
শুনা কৌৰৱৰ মাৱ বোলোহো বচন।
পূৰ্ব্ব কথা মনে তুমি কৰা সুমৰণ॥
যৈসানি তোমাৰ পুত্ৰ ৰণক বজাইলা।
যাত্ৰা কালে দুৰ্য্য়োধনে তোমাত বুলিলা॥
