এই পৃষ্ঠাটোৰ বৈধকৰণ হৈছে
২৭
নাৰী পৰ্ব্ব।
হৰি হৰি বিধি কিনো লিখিলা কপালে।
স্বামী পুত্ৰ বিচ্ছেদ ভৈলোহো অল্প কালে॥
কৈক লাগি যাঁও আবে কৰিবোহোঁ কিক।
নাই জীৱন কেনে আছো ধিক্ ধিক্॥
এহি বুলি কপালত মুঠিক হানয়।
কোনো জনী ঘণে ঘণে হিয়া ধাকুৰয়॥
মহাবাবে খলকয় যেহেন সাগৰ।
ক্ৰন্দনৰ ৰোল তেন স্ত্ৰী সকলৰ॥
বিদুৰে দেখিয়া শোকে চিন্তে হৰি হৰি।
অনন্তৰে বুলিলন্ত বচন সাদৰি॥
নাকান্দা নাকান্দা আৰু নাহি প্ৰয়োজন।
কান্দিলে কি পুনৰপি পাইবা মৃত্যু জন॥
নহয় উচিত তোমাসাৰ হেন ভাৱ।
ৰাজাৰ আদেশে শীঘ্ৰে চালিয়োক গাৱ॥
চোৱা জন্মিজয় কেনে দৈবৰ বিপাক।
অলপিক প্ৰাণীয়ে দেখয় সিসবাক॥
সহস্ৰ শতেক দাসী যাহাক সেৰিল।
দৈৱ বসে তাৰ হেন বিপত্তি মিলিল॥
চিৰকাল সমান নযায় কাৰো দিন।
সমস্ত সংসাৰ ইতো কৰ্ম্মৰ অধিন॥
এক বস্ত্ৰ পিন্ধি ষাই ৰাজ পটেশ্বৰী।
বাতুল ভৈলেক যেন ভ্ৰক সুমৰিপু॥
