এই পৃষ্ঠাটোৰ বৈধকৰণ হৈছে
৪
স্ত্ৰী-পৰ্ব্ব।
সদাই শুনিবা বিষ্ণু বৈষ্ণৱ চৰিত।
ইহলোকে পৰলোকে তেবে পাইবা হিত॥
জানি শুনি সবে তৰিবাক কৰামন।
ৰাম ৰাম ঘোষিয়োক যত সাধুজন॥
⸻
শত পুত্ৰ মৃত্যু শুনি ধৃতৰাষ্ট্ৰৰ ক্ৰন্দন
আৰু তেওঁৰ সান্ত্বনা।
পদ।
বৈশম্পায়ন বদতি শুনিয়ো জন্মিজয়।
শুনি লাহা কুৰুক্ষেত্ৰ যুদ্ধৰ নিৰ্ণয়॥
তাত পাছে যেন ভৈল কৰিয়ো শ্ৰৱণ।
ধৃতৰাষ্ট্ৰ যেন মতে কৰিল ক্ৰন্দন॥
যিটো জনে তাহাৰ কৰিলে শোক ক্ষান্ত।
বুলিবো তোমাত মই সিসব বৃতান্ত॥
ভীষ্ম দ্ৰোণ সমে পুত্ৰ সবৰ মৰণ।
সঞ্জয়ৰ মুখে ৰাজা কৰিলা শ্ৰৱণ॥
যেতিয়া শুনিলা জ্যেষ্ঠ পুত্ৰৰ মৰণ।
বাপ দুৰ্য্য়োধন বুলি হৰিলা চেতন॥
গুৰি কটা বৃক্ষ যেন মাটিত পৰিলা।
সিমতে পষিয়া ৰাজাৰ্ চেতন হৰিলা॥
