এই পৃষ্ঠাটোৰ বৈধকৰণ হৈছে
৩৪
স্তুতিমালা
বাৰ্দ্ধক্যত মহাপাপ ৰোগ শোক পৰিতাপ
দেহা মাত্ৰ হাড়-চাল-সাৰ;
মৰণকো দেখা পাই শঙ্কৰক ভজা নাই
ক্ষমা দোষ দেৱ মহেশ্বৰ।
দুৰ্ব্বোধ্য সংসাৰগতি পাপতেই সদা মতি
নাই ধৰ্ম্ম-কৰ্ম্মৰ বিচাৰ;
ই-সবকো জানি মই শঙ্কৰক ভজা নাই
ক্ষমা দোষ দেৱ মহেশ্বৰ।
যাগ যজ্ঞ তপ দান পূজা ব্ৰত গঙ্গাস্নান
নাই কৰা একোকে বেদৰ;
ই-সকলো জানি মই শঙ্কৰক ভজা নাই
ক্ষমা দোষ দেৱ মহেশ্বৰ।
নমো নমো দেৱ দেৱ উমাপতি
নমো নমো হৰ হৰ;
জগত-কাৰণ ত্ৰিতাপ-বাৰণ
নমো নমো বিষ-ধৰ।
নমো সূৰ্য্য বহ্নি শশাঙ্কনয়ন
নমো নমো নীলগ্ৰীৱ;
দোষ ক্ষমা কৰি নিয়া মোক তাৰি
নমো নমো শিৱ শিৱ।
———০———
