এই পৃষ্ঠাটোৰ বৈধকৰণ হৈছে
মিলন গীত
জনসমুদ্ৰ এই দেশৰ
বিভিন্ন জাতিগণ,
আহা আগুৱাই নাশি ভেদাভেদ
গাওঁ মিলনৰ গান॥
পাহাৰৰে বাসী আমি
স্বাধীন জনজাতি
এই ভাৰতভূমিত আমি
আদিম অধিবাসী,
যুগ যুগ ধৰি সাৱটিছে
এই দেশৰে মাটি,
আমাৰ উদাৰ হিয়া প্ৰাণ
গাওঁ মিলনৰ গান॥
সিন্ধু নদীৰ তীৰত আমি
আৰ্য্য হিন্দু হ’লো আহি
বেদ-বেদাঙ্গ-ধম্মপদৰ পূণ্য বাণী দিলোঁ আমি
‘বসুধৈৱ কুটুম্বকম্’ বিশ্বজিনি দিলোঁ বাণী
‘অহিংসা পৰম ধৰ্ম্ম’ বুদ্ধ বাণী দিলো আমি
পশ্চিম দেশৰ বাসী আমি।
মুছলিম আৰু মিছনাৰী
বিলাই ইছলাম যীশুৰ বাণী
ভাৰত ভূমি পালোঁ আহি
পালোঁহি হিন্দুস্থান,
গাওঁ মিলনৰ গান॥
