এই পৃষ্ঠাটোৰ বৈধকৰণ হৈছে
[ ৫]
ভাল মন্দ একো, বিচাৰ নকৰি,
মোতো তুমি নুসুধিলা॥
জয়দ্ৰথ বধে, প্ৰতিজ্ঞা কৰিলা,
তাতো পাইলা মহাভয়।
কত বুদ্ধি বলে, প্ৰতিজ্ঞা সাম্ফলি,
তাতো লভিলাহা জয়॥
একে পতিব্ৰতা, ধৰ্ম্ম অতিৰেক,
যতেক কষ্টত কষ্ট।
প্ৰতিজ্ঞা কৰিলা, মোতো নুশুধিলা,
সত্য কৰিলাহা ভ্ৰষ্ট॥
ব্ৰাহ্মণৰ দশ, পুত্ৰৰ নিমিত্তে,
কৰিলাহা অঙ্গীকাৰ।
দিবাক নপাৰি, মৰিতে চাহিলা
কৰিলোঁ তাতো উদ্ধাৰ॥
অৰ্জ্জুন বদতি, শুনা লক্ষ্মীপতি,
হেনয় ভৈল আমাত।
সুধন্বা বীৰৰ, শৰৰ সন্ধানে
নচলয় ভৰি হাত॥
শ্ৰীবক্ষস্থলে, প্ৰহাৰ কৰিল,
শোণিত বহয় ধাৰে।
হেন দেখি তার, শৰীৰ নসহে,
ক্ৰোধিল কুন্তী কুমাৰে॥
