এই পৃষ্ঠাটোৰ বৈধকৰণ হৈছে
[২৬]
পদ।
জৈমিনি বদতি শুনিয়োক জন্মিজয়।
হেন শুনি হংসধ্বজ ভৈল মহাভয়॥
ষোলন্ত ব্ৰাহ্মণে জানো খঙ্গি দিব শাপ।
পুছিবে পঠাই কৰিলোহো ঘোৰ পাপ॥
মন্ত্ৰীক আদেশ হেন কৰিল নৃপতি॥
সুধান্বাক তৈলকুণ্ডে পেলায়ো সম্প্ৰতি॥
এহি বুলি নৃপতি আপুনি খেদি যাই।
পাৱে ধৰি গুৰু দুইকো আনে ওভতাই॥
তাম্ৰকুণ্ডে তৈলতাৱে অনেক কৌতুক।
সামবাজে চিন্তন্ত সুধন্বা মৰিবেক।
সূমন্ত্ৰী বোলয় শুনা সুধন্বা কুমৰ।
শাস্তি কৰিবাক লাগে আদেশ ৰাজাৰ।
দেখা তাম্ৰ গোট অতি কেন বিপৰীত।
উথল ফকাব শুনি মনে হয় ভীত॥
দুই শত মনুষ্যে অগনি লগাই তাৱে।
আপুনি নৃপতি মাৰে দুই গুৰু তাৱে॥
ঘনে ঘনে তৈল চাহি কৰন্ত পৰীক্ষা।
তোমাক মাৰিব লাগি কেনে শাস্তি দেখা
সুধন্বা বোলন্ত শুনিয়োক মন্ত্ৰীবৰ।
মোক মাৰিবাক লাগি ৰঙ্গ সবাহাৰ॥
