এই পৃষ্ঠাটোৰ বৈধকৰণ হৈছে
[১৫]
ভঙ্গোৱাৰ পিঠি, নৱ হাত মান,
বন মাজে নুলুকাই॥
উত্তম কুলত, জনম লভিলা,
জানস সকলো ধৰ্ম্ম।
প্ৰজাক পালিব, শত্ৰক জিনিব,
ক্ষেত্ৰিয়ৰ হেন ধৰ্ম্ম॥
পদ।
সুধম্বা বোলয় মাৱ নকৰিবা ভয়।
সবে মান্য সাধিবোঁ বধিবোঁ ধনঞ্জয়॥
গোবিন্দ চৰণ বিনে মোৰ নাহি গতি।
আৰু তযু গৰ্ভে মোৰ হৈয়াছে উৎপতি॥
প্ৰাণে নমৰিবো ভঙ্গ নেদিবোহোঁ যুঝি।
অস্ত্ৰ শস্ত্ৰ শিখিবাৰ থৈছো মানেসুঝি॥
মাৱক প্ৰণামি বীৰে বুঝিবাক যাই।
দুৰ্ব্বাক্ষত ধৰি মাথে বহিনী বিনাই॥
বোলে দদা তুমি সমৰক যাহা প্ৰতি।
ৰণ জয় হৌক নুহিবেক ভঙ্গ গতি॥
তোমাসাৰ ৰণ ভঙ্গে শ্বশুৰৰ ঘৰে।
বেঢ়ি হাসিবেক মোক ননন্দ দেৱৰে॥
