এই পৃষ্ঠাটোৰ বৈধকৰণ হৈছে
| ৰাণীয়ে ক'লে- “দোষ কৰিছা। প্ৰথম দোষ : ফেঁহুজালি আইদেউক আওহেলা কৰি বেলিলৈ বিছনাত শুই থাকা। দ্বিতীয়তে : নিজৰ ফলি-পুথি,কাপোৰ-কানি, জোতা-মোজা আদি সজাই-পৰাই আৰু চাফ্-চিকুণকৈ নাৰাখি আমাৰ ডাঙৰ ছোৱালী ‘পৰিপাটি’ক ঘৰৰ পৰা উলিয়াই দিছা। তাইৰ লগতে ঘৰৰ পৰা আমাৰ ডাঙৰ ল’ৰা ‘মহানন্দ’ও ওলাই আহিছে। তৃতীয়তে : পিঙ্কুৰ দৰে গেছ ভৰোৱা বেলুন উৰাই তুমিও আমাৰ সৰ্বনাশ কৰিবলৈ ওলাইছা।”
এইবাৰ বল্টুই অলপ থৰ লাগিল। সি তাৰ ঢিলা হৈ পৰা পটলুংটো কঁকালৰ ওপৰলৈ টানি ল’লে। তাৰ পিছত নাকটো মচি লৈ সুধিলে— “পিঙ্কুৰ বেলুনেনো কি কৰিলে!” |
সুকোমল দেশৰ সাধু / ২৫
