এই পৃষ্ঠাটোৰ বৈধকৰণ হৈছে
৫
সীতা হৰণ নাটক
ৰাম— বনদেবী!
কি কৰিব ৰাক্ষসে আমাক!
সূৰ্য্য় বংশে জন্ম যাৰ—
দশৰথ ৰাজাৰ সন্তান;
পিতৃ সত্য পালি—
খাটিছো বনত বাস তপস্বীৰ বেশে।
ভাই এওঁ,
নামত লক্ষ্মণ
বিমাতা তনয় মোৰ;
ভাৰ্য্যা ইটি,
জনক জিয়াৰী সীতা,
ৰামচন্দ্ৰ নাম মোৰ কৌশল্যা নন্দন।
কোন তুমি?
কিয়বা বিজন বনে ফুঁৰিছা অকলে?
শূৰ্প— শূৰ্পণখা নাম মোৰ;
লঙ্কাত জনম, যাৰ অধিপতি লঙ্কেশ্বৰ;
তেঁওৰ নুমলি ভণী,
ফুৰো সদা বনে বনে,
তপশ্বীৰ তেজ খাই।
পতিহীনা অভাগিণী আজি পৰিমিত-
