এই পৃষ্ঠাটোৰ বৈধকৰণ হৈছে
৪৬
সীতা হৰণ নাটক।
৩য়— মোৰ ছাগৈ ল'ৰাটিয়ে কান্দি কান্দিয়েই এধা
সান্তি হৈছে দেহি? ব’লা দেও যাওঁহত
বেগতে। (সকলোৰে প্ৰস্থান)
চতুৰ্থ দৰ্শন।
লঙ্কাৰ ৰাজসভা,
ৰাৱণ ও সভাসদগণ বহে।
শূৰ্প— দাদা!
আনিলানে তপসাক বান্ধি?
ৰাৱণ- এৰিলোঁ বধৰ ভাব;
নকৰোঁ মিছাতে আৰু ৰামেৰে বিবাদ।
শূৰ্প— নাই এনে সুমন্ত্ৰি তোমাৰ
যিজনে সুবুদ্ধি কৰি
ওপজায় সজকথা,
কৰিব তোমাক জ্ঞানী লোক।
তিৰোতা সেৰুৱা তুমি,
তিৰোতাৰ মুখচাই—
আনফালে আওকান কৰি;
থাকা মাখোঁ অন্তঃপুৰে হৰিষ মনেৰে।
