এই পৃষ্ঠাটোৰ মুদ্ৰণ সংশোধন কৰা হৈছে
চতুৰ্থ অঙ্ক
১ম দৃশ্য—যজ্ঞ প্ৰাঙ্গন।
[ৰাম, ভৰত, শত্ৰুঘ্ন, বশিষ্ঠ, ৰাজপুৰ-বাসিনীসকল, প্ৰজাগণ
বৈতালিক, প্ৰহৰী আদি]
(বৈতালিকৰ গীত)
আজু আনন্দ ৰবি গগনে নেহাৰি,
পৱন ছাড়ত ধীৰি প্ৰেম মাধুৰী।
শ্যাম তক পল্লৱ
বিহঙ্গ গাৱত নৱ
নৃত্য কৰত ভুলি ময়ুৰ-ময়ূৰী।
গাৱঁ বিভোল মন
কৃপাময় বন্দন
মাগ চৰণ ৰেণু আশীষ তাহাৰি।
( প্ৰহৰীৰ প্ৰবেশ )
| প্ৰহৰী— | প্ৰভু, জানকী মাতৃৰ ৰথ দেখা গৈছে। বাল্মিকি ঋষিয়ে তোৰণ মুখত পদাৰ্পন কৰিছে। |
| ৰাম— | ভৰত, প্ৰহৰীক পুৰস্কৃত কৰাঁ। |
| ভৰত— | ভাল দেব। |
| দূৰত প্ৰহৰী— | তপোধন বাল্মিকি ঋষি উপস্থিত। |
