এই পৃষ্ঠাটোৰ বৈধকৰণ হৈছে
১১৬
সীতাহৰণ-কাব্য
ৰামত—বালিত আছে ব্যবধান বহু;
ৰাঘব সামান্য নৰ; ইন্দ্ৰ বীৰ্য্যজাত
কপীন্দ্ৰ,—প্ৰদীপোদ্ভুত প্ৰদীপ যদ্ৰূপ
সমতেজী—' তেজী বীৰ জনক সমান।
হল বা ৰাঘব বলী; সি বুলিয়া কিবা।
নলভিবোঁ সীতা, মোৰ নুপূৰিবোঁ আশা?
কণ্টকৰ ভয়ে কোন্ পুষ্প আহৰণে
কুণ্ঠিত? বিৰত কোন্, তৰঙ্গ তৰ্জ্জনে,
ৰত্নাকৰ গৰ্ভ হন্তে ৰত্ন উত্তোলনে?
যত্ন বিনা ৰত্ন লাভ নোহে কদাচিত;
লভিবোঁ কামিনী-নিধি, নিশ্চয় যতনে।
⸻
