এই পৃষ্ঠাটোৰ বৈধকৰণ হৈছে
৬৩
সঙ্গ
এতেকে সংসাৰ তৰিবেক সুখে
শুনিও দৃষ্টান্ত আৰ।
অগ্নিৰ আশ্ৰয় পাইলে যেন গুচে
ভয়-শীত-অন্ধকাৰ॥
সন্তৰ আশ্ৰয় পাইলে সেহি মতে
ত্ৰিতয় কাৰ্য্য সাধয়।
গুচে কৰ্ম্মজড়, অজ্ঞান-আন্ধাৰ,
আৱৰ সংসাৰ-ভয়॥
কিবা বহুতৰ, কহিবোঁ সন্তৰ
মহিমাৰ নাহি পাৰ।
যেন সমুদ্ৰত, মজে লোক যত,
নৌকাসে আশ্ৰয় তাৰ॥
সেহি মতে ঘোৰ সংসাৰ-সাগৰে
মজে যত প্ৰাণীচয়।
তান আন গতি নাহিকে কেৱল
সন্তেসে মাত্ৰ আশ্ৰয়॥
