এই পৃষ্ঠাটোৰ বৈধকৰণ হৈছে
পুতলী।
[ লেখিকাৰ পাঁচ বছৰীয়া পুত্ৰৰ আকস্মিক মৃত্যুত]
(১)
আছা নে সুখেৰে মোৰ প্ৰাণৰ পুতলী,
সিপুৰীৰ অজানা দেশত?
নাই য'ত জৰা-মৃত্যু ৰোগৰ যাতনা,
দেৱতাৰ অমৰাপুৰত!
পাৰিজাত ফুলে য’ত নন্দন শুৱাই,
উপচি তলত থাকে সৰি;
দেৱশিশু লগ লৈ ফুৰা নে উমলি?
বোটলা নে ফুল কোঁচ ভৰি?
ধেমালি সামৰি থৈ সন্ধিয়া-পৰত
তুমি যোৱা কাৰ কাষলৈ?
ধূলি বালি মচি কোনে বুকুত সাবটি
চেনেহেৰে কোলা পাতি লয়?
আমন-জিমনকৈ এচুকত বহি
থাকা নে কি অকলে উচুপি,
নাইবা কোনোবা আহি কৰে নে সাদৰ
মচি দিয়ে চকু-পানীটুপি?
নহয়, তোমাক আহি বিশ্বজননীয়ে
সাদৰেৰে লয়হি কোলাত,
