এই পৃষ্ঠাটোৰ বৈধকৰণ হৈছে
৬৬
সাত্বত তন্ত্ৰ
ইসব উপায়ে অপৰাধ চয়
জানিবাহা নিস্তৰয়।
কিন্তু ভকতৰ অপৰাধ বিনে
কহিলোঁ মই নিশ্চয়॥
সৰ্ব্ব অপৰাধ তৰয় কৃষ্ণৰ
চৰণে কৰি আশ্ৰয়।
বিষ্ণুৰ সকলে তবে অপৰাধ
সদায়ে যি নাম লয়॥ ২৭৮॥
কিন্তু বিষ্ণুভক্ত তাৰ অপৰাধ
যিটো জনে আচৰয়।
নাই নাই নাই তাৰ প্ৰায়শ্চিত্ত
কহিলোঁ মই নিশ্চয়॥
নাৰদ বদতি শুনা পশুপতি
কিনো ভৈল বিপৰীত।
সকলে সঙ্কট গুচিল দুৰ্ঘট
তোমাৰ বাক্য অমৃত॥ ২৭৯॥
আবেসে জানিলোঁ দুখীয়া জীৱৰ
সংসাৰ তৰণ নাই।
তথাপিতো পুছোঁ আছে যদি কিছু
কহিও প্ৰভু উপায়॥
ভকতৰ কোন কোন অপৰাধ
কেনমত প্ৰতিক্ৰিয়া।
