এই পৃষ্ঠাটোৰ বৈধকৰণ হৈছে
৬২
সাত্বত তন্ত্ৰ
হৰি বাসৰত ভোজন কৰয়
অভোজনে দুখ মানে।
হৰিৰ গৃহত পাদুকে চৰয়
যদি মহা অভিমানে॥
হৰি মন্দিৰত দলিচা কম্বল
পাৰিয়া যদি বসয়।
বিষ্ণুৰ গৃহত বামপাৱে চৰে
আৱৰ ক্ৰীড়া কৰয়॥ ২৬৭॥
মাধৱৰ গৃহে শ্লেষ্ম পেলাৱয়
দান্ত ধোৱে তাৰ তৃণে।
দেৱৰ আগত দোলা-ঘোৰা আদি
বাহনে চৰে যতনে॥
হৰি নৈবেদ্যক বোলে চাউল কল
সন্দেশাদি দ্ৰব্যচয়।
শালগ্ৰামাদিক দ্বিবিধ লিঙ্গক
প্ৰতিমা শিলা বোলয়॥ ২৬৮॥
হৰিৰ যশস্যা শুনিয়া যদ্যপি
মনে শ্লাঘা নকৰয়।
বৈষ্ণৱকো আনো মনুষ্য বোলয়
সামান্য যিটো দেখয়॥
অন্যদেৱ সমে বিষ্ণুক যদ্যপি
সমান বুলি মানয়।
