এই পৃষ্ঠাটোৰ বৈধকৰণ হৈছে
৬০
সাত্বত তন্ত্ৰ।
আৰু মহা ভাগ্য পায়া আছা হৰিনাম।
সমস্তে ধৰ্ম্মৰ যিটো আশ্ৰয় পৰম॥ ২৬০॥
লোক উদ্ধাৰিতে নাম উকীল থৈলন্ত।
তেবেসে বান্ধৱ কৃষ্ণ বৈকুণ্ঠে গৈলন্ত॥
এতেক ভাগ্যক পাই নকৰা বিফল।
সদায়ে শুনিয়ে৷ গায়ো নাম সুমঙ্গল॥ ২৬১॥
যদি বোলা তই কেনে কহ উপদেশ।
কিবা অধিকাৰী কিবা যোগ্যতা বিশেষ॥
কৃতাঞ্জলি বোলোঁ শুনা মোৰ অভিপ্ৰাই।
উপদেশ দিবাক মোহোৰ শক্য নাই॥ ২৬২॥
কিন্তু উপদেশ ছলে মহন্ত সবত।
প্ৰাৰ্থনাসে কৰোঁ দোষ নাহিকে ইহাত॥
নমো নমো কৃষ্ণ ইষ্টদেৱ হৃদীশ্বৰ।
মোক অনুগ্ৰহ কৰা প্ৰভু দামোদৰ॥ ২৬৩॥
মোৰ মুখে নছাৰোক ৰামকৃষ্ণ নাম।
সামাজিক লোকে ডাকি বোলা ৰাম ৰাম॥
⸻
