এই পৃষ্ঠাটোৰ বৈধকৰণ হৈছে
৩৯
সাত্বত তন্ত্ৰ
সাম্য মৈত্ৰী লক্ষণক উত্তম মধ্যম হেন
তিনি বিধ কহোঁ ভিনি ভিনি॥
সৰ্ব্বাত্মা হৰিক জানি সমস্ততে প্ৰীতি কৰে
দ্বেষাসূয়া কৃপা নকৰয়।
নিৰ্গুণা ভকত জানা উত্তম ইহাকে বুলি
মধ্যমৰ শুনিয়ো নিৰ্ণয়॥ ১৬২॥
সৰ্ব্বাত্ম৷ হৰিক জানি তাৰতম্যে প্ৰীতি কৰে
উত্তম মধ্যম সামান্যত।
ইহাকে মধ্যম বুলি; প্ৰাকৃত যিজন সিটো
প্ৰতিমাত কেৱলে নিৰত॥
সৰ্ব্বাত্ম৷ বিষ্ণুত প্ৰীতি কৰিবাক নপাৰয়
কিন্তু প্ৰাণীবধ ত্যাগ কৰে।
ইহাক প্ৰাকৃত্য বুলি, নিৰ্গুণাৰ তিনি বিধ
কৈলোঁ শুনা আত অনন্তৰে॥ ১৬৩॥
যাৰ সবে ইন্দ্ৰিগণে স্বভাৱে বিষ্ণুত ৰমে
ভাগৱতী এহিসে উত্তম।
যাহাৰ ইন্দ্ৰিয়গণ যত্নেসে বিষ্ণুত প্ৰীতি
কৰে সিটো জানিবা মধ্যম॥
যাহাৰ ইন্দ্ৰিয় মাত্ৰ কৃষ্ণক কৰয় সেৱা
কিন্তু সিটো প্ৰীতি বিৰহিত।
ইহাক প্ৰাকৃত্য বুলি জানা মুনিবৰ সিটো
কিন্তু কালে হুইবেক বৰ্দ্ধিত॥ ১৬৪॥
