এই পৃষ্ঠাটোৰ বৈধকৰণ হৈছে
১৬
সাত্বত তন্ত্ৰ
ৰাজ্যত তাহান বচনে বনক
যায়া দেহা এৰিলন্ত॥
শত্ৰুঘ্ন ভৰত তাৰা সজ্জনৰ
দয়ালু দুষ্টৰ যম।
লৱণক মাৰি ৰাঘৱক সেৱি
কীৰ্ত্তি থৈলা নিৰুপম॥ ৬৬॥
মাৰ্কণ্ডেয় মুনি মায়া প্ৰলয়ত
ফুৰন্তে আকুল হুয়া।
তাহাঙ্ক পেটৰ ভিতৰে জগত
দেখাইবাক লাগি নিয়া॥
বট পত্ৰ পুতে বালক মুকুন্দে
আছন্ত শয়ন কৰি।
চৰণ অঙ্গুষ্ঠ চোসন্তে মুনিক
জগত দেখাইলা হৰি॥ ৬৭॥
বৃত্ৰৰ ভয়ত দেৱতা সবক
দিবে লাগি উপদেশ।
গৰুড়ত চৰি আৰ্য্য অৱতাৰে
উপায় দিল৷ অশেষ॥
অঙ্গুষ্ঠৰ পৰ্ব্ব সম বাল্যখিল
ঋষিগণ গোখোজত।
তল যান্ত দেখি হৰি অৱতাৰে
ৰাখিলন্ত ভাল মত॥ ৬৮॥
