এই পৃষ্ঠাটোৰ বৈধকৰণ হৈছে
১৫
সাত্বত তন্ত্ৰ।
নাৰীপৰায়ণ জনক হাসিয়া
হেনয় ভাব দেখাইলা।
সীতা হেন মানি বৃক্ষক সাবটি
কামে তাতে পৰি ৰৈলা॥ ৬৩॥
চন্দ্ৰৰ কিৰণ যেন সূৰ্য্যতাপ
মলয়৷ খৰ পৱন।
মালতীৰ মালা অগনিৰ শিখা
মানিলা ৰঘুনন্দন॥
বালীক বধিয়া সেতুক বান্ধিয়া
কপি সমে লঙ্কা গৈলা।
সপুত্ৰ বান্ধৱে মাৰি ৰাৱণক
সীতাক পুনু লভিলা॥ ৬৪॥
অগ্নিত পৰীক্ষা কৰিয়া সীতাক
পুনু অযোধ্যাক আসি।
সূৰ্য্যাদিৰ শক্তি ধৰি তাৰ ধৰ্ম্ম
পালিলা যশ প্ৰকাশি॥
তাহাৰ কনিষ্ঠ ভৰত ৰামৰ
আজ্ঞায়ে ঘৰত থাকি।
ৰামক আৰাধি পাচে গন্ধৰ্ব্বক
মাৰিলা অস্ত্ৰৰ ঝাকি॥ ৬৫॥
লক্ষ্মণে বনত সীতা ৰাঘৱক
মহাকষ্টে সেৱিলন্ত।
