এই পৃষ্ঠাটোৰ বৈধকৰণ হৈছে
১৪
সাত্বত তন্ত্ৰ
অস্ত্ৰ-শস্ত্ৰ এৰি তেজি মায়া খেৰি
প্ৰবৰ্ত্তি আছা নামত॥ ৬০॥
দেৱতাগণৰ প্ৰাৰ্থিবাৰ পদে
সূৰ্য্যকুল সমুদ্ৰত।
শ্ৰীৰামচন্দ্ৰ ভৈলন্ত বেকত
দশৰথ ভৱনত॥
বিশ্বামিত্ৰে নিয়া ৰাক্ষস মৰায়া
মিথিলাক লাগি নিলা।
তৈতে মহেশৰ ধনু অজগৰ
লীলায়ে ৰামে ভাঙিলা॥ ৬১॥
জিনিয়া সীতাক পথে ভাৰ্গৱক
জিনি অযোধ্যাক পাইলা।
আনন্দে আছন্তে পিতৃৰ বচনে
ভাৰ্য্যাসমে বনে গৈলা॥
গঙ্গাক তৰিয়া আছা চিত্ৰকূটে
তহিকে ভৰত গৈলা।
তাহাঙ্ক পঠায়া পৰ্ব্বত ছাড়িয়া
বিৰাধ বনে বধিলা॥ ৬২॥
মাৰীচ আসিলা হৰিণ স্বৰূপে
তাক বধিবাক গৈলা।
সেহি বেলা সীতা ৰাবণে হৰিলা
আসি শোকাকুল ভৈলা॥
