এই পৃষ্ঠাটোৰ বৈধকৰণ হৈছে
দুলড়ি।
শঙ্কৰ বদতি শুনিয়ো নাৰদ
নৃসিংহ ৰূপৰ কথা।
ভক্ত প্ৰহলাদক ৰাখিবাক লাগি
আবিৰ্ভাৱ ভৈলা যথা॥
দৈত্যেন্দ্ৰ ৰহিযা যেন বজ্ৰসাৰ
সিয়ো ভৈল ক্ষুদ্ৰ প্ৰাই।
নখ নাঙলৰ অগ্ৰভাগে তাক
বিদাৰিলা সমুদাই॥ ৫৮॥
বামণ স্বৰূপে বলিৰ ত্ৰৈলোক্য
মাগি তিনি পদ ছলে।
বলিক নিগ্ৰহি কীৰ্ত্তিক বঢ়াই
ইন্দ্ৰক দিলা সকলে॥
ভক্তৰ অধীন হোৱে যিটো বাক্য
তাক সত্য কৰিলন্ত।
গদাধৰ অৱ— তাৰে দৈত্যেন্দ্ৰৰ
দ্বাৰী হুয়া ৰহিলন্ত॥ ৫৯॥
ভাৰ্গৱ কুলত নামে পৰ্শুৰাম
অৱতৰি ক্ষত্ৰিয়ক।
পিতৃবৈৰী বুলি কুঠাৰক তুলি
বধিলা দুষ্টগণক॥
সকল পৃথিবী ব্ৰাহ্মণক দিয়া
আছা গিৰি মহীন্দ্ৰত।
