এই পৃষ্ঠাটোৰ বৈধকৰণ হৈছে
৮৯
সাত্বত তন্ত্ৰ।
ভক্তি প্ৰবৰ্ত্তাইয়া দীন দৰিদ্ৰক
পালিলা যিটো সজ্জন॥ ৩৭৩॥
তানে দিব্য সত্ৰ গোবিন্দপুৰত
আছিলেক মনোহৰ।
যাত ভগৱন্তে নামৰ আন্দোলে
পূৰে দিশ নিৰন্তৰ॥
অনেক বৈষ্ণৱ আছিলেক তাত
সবে নামপৰায়ণ।
তাৰাৰ সঙ্গত তাসম্বাৰ স্নেহে
আছিলোঁহো ৰঙ্গমন॥ ৩৭৪॥
প্ৰভুৰ আজ্ঞায়ে তাসম্বাৰ আগে
ভাগৱত গূঢ় শাস্ত্ৰ।
মতি অনুৰূপে কৰিলোঁ ব্যাখ্যান
যদ্যপি নুহিকো পাত্ৰ॥
তেহে আজ্ঞা দিয়া কৰাইলন্ত পদ
তাতেসে কৰিলোঁ আমি।
সভাসদ লোক সবে বুলিয়োক
তুষ্ট হোক কৃষ্ণস্বামী॥ ৩৭৫॥
একে কৃষ্ণদেৱ তান পদে সেৱ
নছাৰোক গুণ নাম।
সাধুৰ সঙ্গত ভকতি ৰহোক
নোহোক কিছু বিৰাম॥
