এই পৃষ্ঠাটোৰ বৈধকৰণ হৈছে
৮৬
সাম্ভূত তন্ত্ৰ
কৃষ্ণৰ একান্ত ভক্তি তুমি মহা ভাগৱত
তাতেসে কহিলোঁ বাৰম্বাৰে॥ ৩৬৬॥
যাৰ নাম কীৰ্ত্তনত শ্ৰৱণত স্মৰণত
পাপৰাশি সকলে দহয়।
শুদ্ধ শান্ত দেহ হুয়া নিৰুপাধি সুখ পায়া
আনন্দতে মজিয়া থাকয়॥
হেনয় অনন্ত শান্ত জনাৰ্দ্দন লক্ষ্মীকান্ত
ৱেদ সবে যাৰ গুণ গাৱে।
নিৰঞ্জন সনাতন নিত্যানন্দ চিদানন্দ
কোটিবাৰ নমোঁ তান পাৱে॥ ৩৬৭॥
এহি বুলি গৌৰীনাথ নাৰদ মুনিক চায়া
থাকিলন্ত মহাৰঙ্গ মনে।
সাত্বত তন্ত্ৰৰ জানা নৱম পটল এহি
সমাপতি হৰিক স্মৰণে॥
শুনিয়োক সভাসদ ইটো কৃষ্ণ কথাপদ
হেলা নকৰিবা আক জানি।
আপোন সদয় গুণে হুয়া অতি তুষ্ট মনে
নেৰিবাহা ৰামকৃষ্ণ বাণী॥ ৩৬৮॥
মোৰ নধৰিবা দোষ নকৰিবা অসন্তোষ
মই পুনু অতি অল্প জন।
