এই পৃষ্ঠাটোৰ বৈধকৰণ হৈছে
২৩
সন্তসাৰ ৷
চাৰি গোটা শক্তি কহো তোমাৰ আগত।
অবিদ্যা বিদ্যায় আত্মা দিলি শক্তি যত॥
যি অবিদ্যা শক্তিত পৰাৰ্থ ততকয়।
বিদ্যা শক্তি মুকুতিৰো জানিবা নিশ্চয়॥১১৭॥
আত্মা দিলি শক্তি দিলি জানা ঈশ্বৰৰ।
ভকতি শকতি জানা ভকট জনৰ॥
অবিদ্যা শত্তিক জানা সংসাৰি বোলয়।
বিদ্যা শক্তি মুকতিৰো জানিবা নিশ্চয়॥১১৮॥
একান্ত ভক্তক পৰমাত্নাত দেখ।
পৃতি কৰে ভক্তি শক্তি তাহাক বোলয়॥
শ্ৰীনাৰায়ণে জ্ঞান ব্ৰহ্মাত দিলন্ত।
ব্ৰহ্মা নাৰদত দিলা সাদৰে লৈলন্ত॥১১৯॥
নাৰদে ব্যাসক ৰহস্য জ্ঞানক।
ব্যাসে শুক মুখত পৰিক্ষীতিত কৈলেক॥
অনন্তে কহিছা চাবি সিদ্ধৰ আগত।
চাৰি সিদ্ধে সংসাৰৰ আগত বেকত॥১২০॥
চাৰি সিদ্ধে পৰাশৰ ঋষিত কৈলেক।
পৰাশৰ হন্তে পাছে মৈত্ৰয়ে পাইলেক॥
মৈত্ৰয়ে কহিলা পাছে বিছাৰি মহন্ত॥
অনস্তি সম্প্ৰদা এহি মানে জানিলন্ত॥১২১॥
আৰু চাৰি ঠাইক কৃষ্ণে যাওবুলি ছিল।
দুই ঠাই গৈল দুই ঠাইক নগৈল॥
