এই পৃষ্ঠাটোৰ বৈধকৰণ হৈছে
৪২৫
সটীক নামঘোষা
অৰ্থাৎ বিষয়ত লিপ্ত হোৱা মনক উদ্ধাৰ কৰা—মনক বিষয় তাৰৰ পৰা আনা।
ৰাম কৃষ্ণ হৰি বুলিয়ে ঝাণ্টে।
মিলিবে মৰণ হাটে কি বাটে॥ ৭১৫
ঝাণ্টে-শীঘ্ৰে।
কেতিয়া মৰণ মিলে ঠিক নাই, বেগেতে ভগৱানৰ ৰাম কৃষ্ণ নাম লোৱা।
মহিমা
হৰিত শৰণ লৈয়া যিটোজন এ
হৰিৰ চৰিত্ৰ শ্ৰৱণ কীৰ্ত্তন কৰে।
দুৰ্ঘোৰ অপাৰ সংসাৰ সাগৰ এ,
সিটো মহাজনে আতি অপ্ৰয়াসে তৰে॥৭১৬
অপ্ৰয়াসে তৰে-বিনাকষ্ট, অতি সহজে পাৰ হয় বা উদ্ধাৰ হয় নাইবা জন্ম-মৃত্যুৰ হাত সাৰে।
ৰাম কৃষ্ণ ৰাম কৃষ্ণ বোলা ভাই এ,
পৰম যতনে তেজিয়া যত অন্যায়।
তোমাক মই ভাণ্ডো, তুমি মোক ভাণ্ডা এ,
চৈধ্যয় সাক্ষীক ভাণ্ডিবা কোন উপায়॥৭১৭
তেজিয়া যত অন্যায়-বিষয় বাসনা এৰি।
