পৰম নিৰ্ম্মল গতি পাই সুখে
ছিণ্ডিয়ো কৰ্ম্ম বন্ধন॥
যাৰ এই সংসাৰৰপৰা উদ্ধাৰ হবৰ ইচ্ছা আছে (অৰ্থাৎ যি মুক্তি লাভ কৰিব খোজে, সেইসকলে, এই যুগধৰ্ম্ম হৰিনাম কীৰ্ত্তন কৰা; হৰিনাম কীৰ্ত্তনৰ ফলত মহ সুখে পবিত্ৰ গতি লাভ কৰি অৰ্থাৎ ঈশ্বৰৰ কৃপা পাই কৰ্ম্মৰ হাত এৰা বা জন্ম-মৃত্যুৰ হাত সাৰা।
[৪০৩]
সকল নিগম কল্পতৰু তাৰ
ফল মহাভাগৱত।
সেহি ফল ৰস হৰি গুণ যশ
পিয়োক সাধু সঙ্গত॥
ঈশ্বৰৰ তত্ত্বথকা সকলো নিগম শাস্ত্ৰৰূপ কল্পতৰু; ফল মহাভাগৱত শাস্ত্ৰ; আৰু হৰিৰ নাম-গুণ-যশ এই ফলৰ ৰসস্বৰূপ সাধুসকলে এই হৰিৰ নাম-গুণ কীৰ্ত্তন কৰি থাকে; এতেকে সন্তৰ সঙ্গ লৈ হৰিনাম কীৰ্ত্তন কৰি তাৰ ৰস পান কৰা; অৰ্থাৎ মহাভাগৱত পুৰাণ সকলো নিগম শাস্ত্ৰৰ ভিতৰত শ্ৰেষ্ঠ; ই হৰিৰ নাম-গুণেই ভৰা; সাধুসকলে এই হৰিনাম সদায় লয়; এতেকে তুমি ভাগৱতৰ এই হৰিনাম সাধুৰ লগত একান্ত মনে লোৱা।
[৪০৪]
পৰম কৃপালু শ্ৰীমন্ত শঙ্কৰ
লোকক কৰিলা দয়া।
