ভাগৱত ধৰ্ম্ম—অহিংসাত্মক কৰ্ম্মযোগমূলক ধৰ্ম্ম।
ধৰ্ম্মে মহাভাগৱতৰ ধৰ্ম্মৰ কথা পৃথিবীৰ আগত কৈছিল যে, মাধৱৰ কৰ্ম্মেই মুকুতি সুখৰ কেৱল আশ্ৰয়। বেদ ঈশ্বৰৰ বাণী, বেদান্ত বেদৰ তাৎপৰ্য্য আৰু মহাভাগৱত পুৰাণ বেদান্তৰেই সাৰ সংগ্ৰহ; গতিকে ইয়ো ঈশ্বৰৰ বাণী। ধৰ্ম্ম অৰ্থে ঈশ্বৰ’ তেওঁ নিজে মহাভাগৱতৰ ধৰ্ম্মৰ কথা পৃথিবীৰ লোকসকলক কওঁতে এইদৰে কৈছিল যে, মুক্তিৰ সুখ কেৱল মাধৱৰ কৰ্ম্ম কৰিলেই পোৱা যায়; অৰ্থাৎ মাধৱৰ নাম-গুণ শ্ৰৱণ-কীৰ্ত্তন কৰিলেই মুক্তিলাভ কৰিব পাৰি।
[ ৩৪৮ ]
কৃষ্ণ গুণ নাম ধৰ্ম্মেসে পৰম
মঙ্গলৰো সুমঙ্গল।
কৃষ্ণৰ কীৰ্ত্তন ৰসেসে কেৱল
মুকুতি সুখৰ ফল॥
কৃষ্ণৰ নাম-গুণ কীৰ্ত্তন পৰম ধৰ্ম্ম আৰু সি অতি মঙ্গলপ্ৰদ; কৃষ্ণৰ নাম-গুণ কীৰ্ত্তনত ওপজা ৰস বা আনন্দই মুক্তি মুখৰ ফল স্বৰূপ। মুক্তিসুখতেই আনন্দ, আনন্দ ওপজে নাম কীৰ্ত্তনত; নাম, কীৰ্ত্তনত ওপজা আনন্দ মুক্তিসুখৰ ফলস্বৰূপ।
[ ৩৪৯ ]
যিহেতু কৃষ্ণৰ কীৰ্ত্তন ধৰ্ম্মত
নাহিকে পাত্ৰ নিয়ম।
