এই পৃষ্ঠাটোৰ বৈধকৰণ হৈছে
২০৭
সটীক নামঘোষা
[ ২৫৮ ]
হৃদয় স্তম্ভত কৃষ্ণ চৰণক
প্ৰেম-জৰী দিয়া ছান্দা।
পৰম সুদৃঢ় ৰাম কৃষ্ণ নাম
কৱচ গলত বান্ধা॥
স্তম্ভ-খুটা।
ছান্দা-বান্ধা৷
সুদৃঢ়-কঠিন, একোৱে অনিষ্ট কৰিব নোৱাৰা।
কৱচ-মন্ত্ৰপুত সূতাৰ মাদুলী।
হে ভাই, জৰীৰে কেনে জন্তু খুটাত বান্ধি থোৱাৰদৰে ভগৱানক ভক্তি কৰি ভক্তি-ৰূপ জৰীৰে নিজৰ হৃদয়ত তেওঁক বান্ধি খোৱা অৰ্থাৎ নিজৰ হিয়াত সদায় তেওঁক উপলব্ধি কৰা; আৰু কৱচ ডিঙিত পিন্ধাৰদৰে ভগৱানৰ ৰাম, কৃষ্ণ আদি নাম সদায় একান্তমনে উচ্চাৰণ কৰা।
[ ২৫৯ ]
ৰাম কৃষ্ণ নাম অভেদ্য কৱচ
সদায় যিটো পিন্ধয়।
তিনি গুণ বৃত্তি অস্ত্ৰ প্ৰহাৰে
তাক আৰু নিবিন্ধয়॥
কৱচ--শৰীৰ আচ্ছাদনকাৰী পোছাক।