এই পৃষ্ঠাটোৰ বৈধকৰণ হৈছে
৪৮
সঙ্গীত-কোষ।
১৪
সাহানা—ঝাঁপতাল।
নিচিনি তোমাক প্ৰভু! অকাজ কৰিলোঁ মই;
মৰষি দাসীৰ দোষ, গুচোৱা মনৰ ভয়।
তুমি নেতাৰিলে মোক, তাৰে কোনে দয়াময়?
আজলী তিৰীৰ মতি, সদায় পাপত ৰতি,
কেৱল তুমিহে গতি, জানিছোঁ কৰুণাময়।
তযু পাদ পদ্মে যেন সদা মোৰ মন ৰয়॥
দুৰ্গাপ্ৰসাদ দত্ত।
⸻
১৫
ভৈৰবী-মধ্যমান।
থিত হোৱা আহি আই, মোৰ হৃদয়ত,
দুখ পাহৰিম পালে তোমাক বুকত।
হৃদয়ত বহুৱাই হৰষিত হই আই
তযু ভক্তি সুধা খাই, মজিম প্ৰেমত॥
দুৰ্গাপ্ৰসাদ দত্ত।
