এই পৃষ্ঠাটোৰ বৈধকৰণ হৈছে
৩৭৮
সঙ্গীত-কোষ ।
ৰাৱনৰ মাথ কাটিলাহা নাথ
আনিলা সীতা উদ্ধাৰি॥
আগে নিচিনিলোঁ আবেসে জানিলোঁ৷
তেন্তে তুমি শ্ৰীৰাম।
অজ্ঞানীক মোক প্ৰভু ক্ষেমিয়োক
চৰণে কৰোঁ প্ৰণাম॥
এতেক বুলি নমি জাম্বৱন্ত
আছে কৃতাঞ্জলি কৰি।
শুনা সৰ্ব্বজন নেৰিবা কীৰ্ত্তন
ডাকি বোলা হৰি হৰি॥
—
আইনাম।
৪৪
আসন পাৰি দিয়া বহক মহামায়া
থাকক গোপীৰ কথা শুনি।
সকলো গোপীয়ে একান্ত চিত্তেৰে
বোলা দুৰ্গতি নাশিনী॥
