এই পৃষ্ঠাটোৰ বৈধকৰণ হৈছে
৩৬৮
সঙ্গীত-কোষ।
ওপৰে ৰবিৰ তাপ তলে তপত বালু।
নাপাৰে হাঠিতে সীতা সুকোমল তনু॥
সীতাৰ কান্দন দেখি ৰামৰ লাগে দয়া ।
বৃক্ষডাল ভাঙ্গি ৰাম ধৰিলন্ত ছাঁয়া।
ৰামে ভাঙ্গে বৃক্ষডাল লক্ষ্মণ ধৰে শিৰে ।
তাৰ ছাঁয়াত সীতা দেবি চলে ধীৰে ধীৰে ॥
ৰাম যাই আগে আগে লক্ষ্মণ যাই পাছে।
জলখাবা সীতা আগে সৰােবৰ আছে ॥৫॥
বৈশাখৰ মাসতে ৰাম যজ্ঞ আৰম্ভিল।
লাখে লাখে মুনিগণ তথাতে আসিল ॥
মুনিগণে আসিয়া যে বুলিলন্ত বাণী ৷
লাখে লাখে কাষ্ঠ খৰি আনিয়ো গােসানী ॥
আকাশ পাতাল লৰে অগণিৰ ধ্বনি।
চাৰি দিশে মুনিগণ কৰে বেদ ধ্বনি॥
যজ্ঞ কৰি ৰাম প্রভু তুষ্ট ভৈলা মন।
মুনিক দক্ষিণা দিলা যত গাভীগণ ॥৬॥
জেঠৰ মাসতে ৰাম নাই ঘৰ বাৰী।
দণ্ডকা বনত আছে সঙ্গে এক নাৰী ॥
