এই পৃষ্ঠাটোৰ বৈধকৰণ হৈছে
২৪৪
সঙ্গীত-কোষ।
মৰমেৰে চুমা খোৱা,
গোলাপ দুপাহি চোৱা,
মিলা পীৰিতিৰে মন হৰে লগালগি হই।
মালতী খৰিকা জাঁই,
দুয়ো দিছে দেখুৱাই,
দিব্য ভাবে বসন্তৰ লগৰীয়া সমুদায়।
গোলোকচন্দ্ৰ বৰুৱা, কাব্যবিনোদ।
—
৭৮
ঝিঝিট—একতালা।
ফুলে ফুলে ফুলে উৰিছে মউ–
ফুলে ফুলে ফুলে ভোমৰা ধায়,
চোৱাঁ সখি ৰঞ্জি বন ফুলিছে মালতী খৰিকা জাঁই।
থাকি থাকি কুলিয়ে মাতিছে–
বইছে শীতল মলয়া বায়,
তপোবন জুৰি প্ৰেমধাৰা,
উঠিছে দেখিলে হিয়া জুৰাই॥
হৰেশ্বৰ বৰুৱা।
