এই পৃষ্ঠাটোৰ বৈধকৰণ হৈছে
২৩০
সঙ্গীত-কোষ।
আনাহে মুৰুলী আনাহে বীণ
ধৰাঁ উলাহেৰে মধুৰ তান
গােৱাঁ গােৱাঁ সবে উলাহ গান
জয় জগন্নাথ” বােলা সঘন।
অজ্ঞাত–
—
৬১
মেঘমল্লাৰ—একতালা।
কি মধুৰ আজি দিন বিতােপন
কিনাে উলাহত মগন মন।
হৃদয় বীণে ধৰে নবসুৰ ধীৰ মধুৰ হে
কিনো জুৰিছে নতুন ৰাগিণী হে।
উঠা যত ভাই উলাহ মনেৰে
হােৱা একে মন অভিন প্রাণ
ধৰ উন্নতিৰ বাট ৰঙ্গেৰে
যাব যতেক বিঘিনি হে, দীন দয়াল হে;
তুমি বিতৰা কৰুণা কালিকা হে।
চন্দ্ৰধৰ বৰুৱা।
